पैठण: वाहेगाव येथे तलवारीने केक कापुन वाढदिवस साजरा  करणाऱ्या पैठण भाजपा तालुका उपाध्यक्षा विरूद्ध पैठण एम आय डी सी पोलीस ठाण्यात गुन्हा दाखल करण्यात आला असुन तलवारीसह अरोपीला गजाआड करण्यात आले आहे.  भाजपच्या विद्यार्थी मोर्चाच्या तालुका उपाध्यक्ष करण बोडखे याने वाढदिवसाला हातात तलवार घेऊन उभा असतानाचे फोटो सोशल मीडियावर व्हायरल केले होते. विशेष म्हणजे जिल्हात शस्त्रबंदी कायदा लागू असताना हा प्रकार घडला.

  भाजपच्या विद्यार्थी मोर्चाच्या तालुका उपाध्यक्ष करण बोडखे यांने आपल्या वाढदिवसाला तलवारीने केक कापल्याचे समोर आले होते. हातात तलवार घेऊन फोटोसेशन करुन बोडखे यांनीच आपल्या फेसबुकवरून फोटो व्हायरल केला होता. याबाबतची गंभीर दखल घेत पैठण एमआयडीसी पोलीस ठाण्याचे पोलीस उपनिरीक्षक ज्ञानेश्वर पायघन यांनी अरोपी करण बोडखे यास अटक करुन त्याच्याकडुन तलवार जप्त केली आहे. या वाढदिवसाच्या कार्यक्रमास पैठण येथील भाजपा युवा मोर्चा प्रदेश उपाध्यक्ष तथा नगरसेवक दत्ता गोर्डे ,माजी उप नगराध्यक्ष भाऊसाहेब पिसे, माजी नगरसेवक आप्पा साहेब गायकवाड, अतिष गायकवाड प्रदेश उपाध्यक्ष (युवक) अखिल भारतीय मराठा महासंघ महाराष्ट्र हे उपस्थित होते